Minjaf?

Għal disa’ xhur sħaħ

Ġarritek, ħolmitek, immaġinatek,

Ratek, ħassitek, tbissmitlek,

Kantatlek…

Ħadet ħsiebek b’imħabba,

U l-qalbha int lilha imlejtilha,

Lilha fawwart b’ferħ liema bħalu

Lilha qanqalt u stennitek bla waqt.

Imbagħad bħal miraklu

F’idha hi ħaddnet u għannqet,

Mellsitek, fisdidek,

B’imħabba b’liema bħalha indukratek.

It-tnejn flimkien b’imħabba kbirtu

Sa ma feġġ l-maltemp

Li minn ħaddejha ħatfek u ġarrek

Il-bogħod...

U llum baqa’ biss il-ħsieb tiegħek

Il-ħolm...

U l-vojt....

Mħabba Mistika

Fejn xatt il-baħar

Id f’id flimkien

Nisimgħu l-mewġ jitbewwes mal-blat,

Taħt stilel mbegħda, jixgħelu kulmaw.

Inħossu ż-żiffa ħelwa taħbat ma’ wiċċna

Tifriska l-ħsieb

U l-wens ta’ xulxin infittxu

Taħt dawk il-kwiekeb, fuqna msammrin.

Ġamra ttir minn għajnejja

U fuq tiegħek dlonk tistrieħ

U għajnejna hemm jiltaqgħu

U jiflu lil xulxin.

Dlonk f’qalbi timmarkani,

Ħiġġieġa ta’ mħabba tqabbadni.

Bewsa mistika nisraqlek f’dal lejl

Taħt sema mdawwla

U qamar fiddien

U f’ħoġrok nintelaq

Fejn sibt is-serħan.

Taħlita Ekwilibrata Għal Għażiża Oħti

Kull filgħodu titla’ x-xemx

U l-arja tferraħ

B’għanja ħelwa t’għasafar il-bogħod

Min jaf għalxiex?

U ftit il-bogħod minn hawn

Jinstemgħa biss damdim

Ta’ borra, bard u ksieħ.

Taħlita ekwilibrata

Ta’ kulturi, temp u opinjonijiet

Pittura ħajja ta’ diversjonijiet.

Minkejja dawn id-differenzi

Fil-qalb tiegħi kollox stivat

Post għalik fil-fond ta’ qalbi

Mimli memorji serji, sbieħ u kollha bluhat!

Ħsibjieti

Għad nikber u nixjieħ,
u ħsiebi jkun biss fik.
B'għożża nħaddnek u ngħannqek
u nintilef fis-skiet ta' dinjietek!

Int tkun il-faraġ tiegħi
mid-dlam ifeġġ id-dawl
u b'hekk b'għożża nitolbok
ħallini llum ngħannqek u nfissdek!

Qatra Qatra

Qatra Qatra
Nieżla tmelles
l-art sħuna u niexfa
mill-qilla tas-sajf qalil

Qatra qatra
Qed timla’
Bjar vojta
Niexfa mill-għatx
Ta’ l-art.

Qatra qatra
Ħalliha tnissel
Ħa tħajjem bil-ħlewwa
Lil wiċċek moħrar

Ħa xabba’ b’ilma ġieri
Li jnixxi bilmod
Mal-blat.

Mużajk

Il-ħoss tal-lapes jħanxar, 

kif il-ponta sewdinija tobrox il-karta 

biex tniżżel il-ħsibijiet ta' tfajla 

mħassba u mitlufa 

f'dinja ta' mużajk ikkulurit!

Love Message

Rain drops freeze like pearls as white
as was the bridal-gown that night
who walked the aisle…a long way for love.

Waiting there, was the young man
With shining eyes, a beating heart
As if drunk with a whiskey or two.
There in the corner, the face of the unknown
Playing the piano as he sings a lullaby
of love and romance…
Eternal happiness…
That only the two will share.

The couple romancing by candlelight
and in each others hearts,
The eyes engrave a message of love.

Golden droplets

A tinkle of a bell I hear
As I think of you today...
In my mind I hear your voice
a melody listened to in awe!

Your inner splendour in radiance
as you move with grandeur,
along the paths
of the mysterious life,
there you leave a trail of golden droplets
for each of us to follow
toward a world unknown to us!!!!

Wings

You captured
the sunlight into your eyes,
a melody into your soul,
the scent of flowers in your moves,
the moon onto your lips...

You captured my heart and made it real
You gave me a reason to believe....

Your radiance will guide me
on floydian wings
You'll carry us high!!!

Tbatija Ottimista

Kull filgħodu 

mara anzjana timbotta premm, 

tbennen tarbija 

li ġarret ġo ġufha 

għal disa' xhur sħaħ, 

iżda li hi qatt ma ħadnet 

bi mħabba f'dawk l-idejn, 

li llum ħarxa bit-tbatija 

tal-ħajja misterjuża!

Il-Kitba

Il-ħoss tat-tastiera 

jtektek ma kull ittra li titniżel f'narrativa...

b'rittmu mgħaġġel 

tinstema' għaddejja...

bla waqfien!

Nixfa

In-nixfa poetika għadda ż-żmien minn fuqha...

u issa ħalliha tnixxi n-nixxiegħa poetika...

ħallijha tfawwar bla qies!

Eku

Eku ta' mħabba jinstema, 

cafcifa ta' ilma frisk, 

żiffa tifriska l-ħsieb...